نیوزی لینڈ کی وزیراعظم کی ٹک ٹاک ویڈیو وائرل

آکلینڈ: نیوزی لینڈ کی وزیراعظم جیسنڈا آرڈرن کی پہلی ٹک ٹاک ویڈیو سوشل میڈیا پر وائرل ہوگئی۔

نیوزی لینڈ کی وزیراعظم جیسنڈا آرڈرن سےمشابہت رکھنے والی ٹک ٹاک اسٹار اور کامیڈین بریس ویل کی ویڈیو میں اچانک جیسنڈا آرڈرن کی آمد نے مداحوں کو حیران کر دیا۔

کامیڈین بریس ویل نے حال ہی میں ٹک ٹاک ویڈیو بنائی جس میں انہوں نے اپنے آپ کو بطور نیوزی لینڈ کی وزیراعظم متعارف کروایا اور کہا کہ مجھے کبھی کبھی اپنے مداحوں کے ساتھ سیلفی لینا اچھا لگتا ہے۔

pic.twitter.com/T6icsYXaLR

— Melanie Bracewell (@meladoodle) July 17, 2020

اتنی ہی دیر میں ان کی ٹک ٹاک ویڈیو میں خود جیسنڈا آرڈن سامنے آجاتی ہیں اور بریس ویل ان کے گلے میں ہاتھ ڈال کر کہتی ہیں کہ ’او ہیلو آپ کا نام کیا ہے؟ جس پر وہ جواب دیتی ہیں جیسنڈا۔‘

بعدازاں ویڈیو میں جیسنڈا آرڈن اور بریس ویل کو ہنستے ہوئے بھی دیکھا جا سکتا ہے، یہ پہلی ٹک ٹاک ویڈیو ہے جس میں جیسنڈا آرڈن کو دیکھا گیا ہے۔

The post نیوزی لینڈ کی وزیراعظم کی ٹک ٹاک ویڈیو وائرل appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/2ZJSEqq