دریا میں کشتی چلاتے ہوئے مگر مچھ سے مڈ بھیڑ، دل دہلا دینے والی ویڈیو وائرل

امریکا میں دریا میں کشتی چلاتے ہوئے ایک شخص کی مگر مچھ سے خوفناک طریقے سے مڈ بھیڑ ہوگئی، مگر مچھ نے کشتی کو زوردار ٹکر ماری جس سے کشتی دریا میں الٹتے الٹتے بچی۔

یہ واقعہ شمالی کیرولینا میں پیش آیا جہاں پیٹر جوئس نامی شخص دریا میں کشتی چلا رہا تھا۔ کشتی چلتے ہوئے اچانک کوئی چیز اس کی کشتی سے ٹکرائی اور جوئس تقریباً پانی میں جا گرا۔

کشتی سے ٹکرانے والی شے کچھ اور نہیں بلکہ ایک مگر مچھ تھا۔ جلد ہی جوئس آس پاس درختوں کی ٹہنیوں کو پکڑ کر سیدھا ہوگیا۔

جوئس کا کہنا ہے کہ ابتدا میں اسے لگا کہ کوئی مچھلی اس کی کشتی سے ٹکرائی ہے تاہم جلد ہی اسے اندازہ ہوگیا کہ وہ مگر مچھ تھا۔

مذکورہ واقعہ جوئس کے سینے پر لگے کیمرے میں ریکارڈ ہوگیا، سوشل میڈیا پر اپ لوڈ کرنے کے بعد یہ ویڈیو بے حد وائرل ہوئی اور یوٹیوب پر لاکھوں افراد نے اسے دیکھا۔

لوگوں کا کہنا تھا کہ جوئس خوش قسمت تھا کہ اس کی مگر مچھ سے مزید مڈ بھیڑ نہیں ہوئی، کشتی کو سیدھا کرنے کے بعد وہ جلد از جلد مذکورہ علاقے سے نکل گیا۔

جوئس ایک فائر فائٹر ہے اور وہ کیرولینا کے اس دریا کو کشتی چلا کر پار کرنا چاہتا ہے اور ریکارڈ بنانا چاہتا ہے، مذکورہ دریا شمالی کیرولینا سے جنوبی کیرولینا تک جارہا ہے۔

مذکورہ علاقے میں مگر مچھ سے مڈبھیڑ کے بعد جوئس اب ریکارڈ بنانے کے لیے موسم سرما کا انتظار کر رہا ہے جب مگر مچھ گہرائی میں چلے جاتے ہیں۔

The post دریا میں کشتی چلاتے ہوئے مگر مچھ سے مڈ بھیڑ، دل دہلا دینے والی ویڈیو وائرل appeared first on ARYNews.tv | Urdu - Har Lamha Bakhabar.

from حیرت انگیز – ARYNews.tv | Urdu – Har Lamha Bakhabar https://ift.tt/30uub7K
via IFTTT