سعودی حکومت کا اپنے شہریوں کی وطن واپسی کیلئے اہم اعلان

ریاض : سعودی عرب نے شہریوں کی واپسی کے لیے کویت اور بحرین کے ساتھ سرحدیں کھولنے کا اعلان کیا ہے۔

سعودی ویب سائٹ کے مطابق کویت میں سعودی سفارت خانے نے کہا ہے کہ کویت میں رہ جانے والے شہریوں اور ان کے اہل خانہ کے علاوہ ان کے ہمراہ ملازمین کی واپسی کے لیے سرحد کھول دی گئی ہے۔

وہ پیشگی اجازت لیے بغیر وطن آسکتے ہیں تاہم انہیں حفاظتی تدابیر پر عمل کرنا ہوگا۔

ادھر منامہ میں بھی سعودی سفارت خانے نے کہا ہے کہ بحرین میں رہ جانے والے سعودی شہریوں کی واپسی کے لیے کنگ فہد پل کھول دیا گیا ہے۔

شہری پیشگی اجازت کے بغیر وطن واپس آسکتے ہیں، انہیں وزارت صحت کی ہدایت کے مطابق چند دن گھر میں محدود رہنا ہوگا۔

مزید پڑھیں : سعودی عرب  کا کنگ فہد پل کھولنے کی تیاریاں مکمل

 کورونا وائرس کی عالمی وباء کے پیش نظر بند کیا جانے والا کنگ فہد پل کو عوام کیلئے کھولنے کی تیاریاں مکمل کرلی گئیں ہیں اس حوالے سے بحرینی حکام نے کہا ہے کہ سعودی عرب اور بحرین کو جوڑنے والا کنگ فہد پل 27 جولائی سے مسافروں کے لیے کھول دیا جائے گا۔

سعودی ذرائع ابلاغ کے مطابق بحرین کا محکمہ سیاحت و تفریحات سعودی سیاحوں اور وزیٹرز کے خیر مقدم کے لیے انتظامات کررہا ہے۔

The post سعودی حکومت کا اپنے شہریوں کی وطن واپسی کیلئے اہم اعلان appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/2WSCj0P