خوراک کی تلاش کے لیے کیڑوں کی انوکھی تکنیک نے لوگوں کو حیران کردیا

ہم بچپن سے سنتے آئے ہیں کہ اتحاد میں برکت ہے، اتحاد صرف انسانوں ہی نہیں بلکہ جانوروں کو بھی برکت سے مالا مال کردیتا ہے جس کا ثبوت یہ ویڈیو ہے۔

شمالی تھائی لینڈ کی ایک بدھ خانقاہ کے باہر ریکارڈ کی گئی یہ ویڈیو ایک بدھ راہب نے بنائی۔

ویڈیو میں دیکھا جاسکتا ہے کہ ہزاروں کیڑے منظم طور پر حرکت کر رہے ہیں، دور سے دیکھنے میں یوں محسوس ہورہا ہے جیسے یہ کوئی لمبا سا سانپ ہے۔

کیڑوں کے اس طرح ایک مخصوص صورت میں منظم طور پر حرکت کرنے کا ایک مقصد تو کسی شکاری کے حملے سے بچنا ہے، جبکہ دوسرا مقصد اپنی منزل تک (خوراک کی تلاش میں) جلد پہنچنا ہے۔

مزید پڑھیں: چیونٹی آپ کے باس سے بہتر مینیجر ثابت ہوسکتی ہے

ویڈیو ریکارڈ کرنے والے راہب کا کہنا تھا کہ میں انہیں دیکھ کر حیران رہ گیا، جس طرح سے یہ حرکت کر رہے تھے وہ حیرت انگیز تھا۔ راہب کا کہنا تھا کہ وہ ایک پل کی شکل میں حرکت کر رہے تھے۔

خیال رہے کہ سنہ 2013 میں کی گئی ایک تحقیق کے مطابق مختلف کیڑے جب خوراک کی تلاش میں نکلتے ہیں اور اس طرح منظم طور پر حرکت کرتے ہیں تو وہ اپنی منزل تک ڈیڑھ گنا زیادہ رفتار سے پہنچتے ہیں، بہ نسبت اس کے کہ کیڑے الگ الگ اپنی راہ لیں اور ہر کیڑا دگنے وقت میں اپنی منزل تک پہنچے۔

The post خوراک کی تلاش کے لیے کیڑوں کی انوکھی تکنیک نے لوگوں کو حیران کردیا appeared first on ARYNews.tv | Urdu - Har Lamha Bakhabar.

from حیرت انگیز – ARYNews.tv | Urdu – Har Lamha Bakhabar https://ift.tt/2XLokKI